retreat
Meira en vika í burtu.
Við trúum því að stundum þurfi aðeins meiri fjarlægð frá hversdagsleikanum til að sjá hlutina skýrar. Retreatin okkar skapa rými fyrir hreyfingu, hvíld og tengingu. Litlir hópar, fallegt umhverfi og dagar sem eru hugsaðir af natni hjálpa þér að snúa heim með meira en minningar.
Af hverju retreat
Vikan sem situr eftir.
Það gerist eitthvað þegar dagskráin hægir á sér. Þú finnur aftur taktinn í líkamanum. Máltíðir verða að samveru. Hreyfingin verður eitthvað sem þú hlakkar til, í stað þess að reyna að koma henni fyrir á milli verkefna.
Öll retreatin okkar eru byggð í kringum þessa hugsun. Fallegt umhverfi, markviss hreyfing, nærandi matur og nægt rými til að vera. Það er ekkert kapp. Engin þétt dagskrá. Markmiðið er ekki að flýja lífið heldur að snúa heim með meiri ró, meiri styrk og sterkari tengingu við sjálfið.
Svona líta dagarnir okkar út
Morguninn
Ferskur safi, smoothie, kaffi eða te áður en dagurinn byrjar með hreyfingu.
Hreyfing
Barre eða Mat Pilates, fylgt eftir með vinnustofum, fyrirlestrum eða annarri hreyfingu.
Bröns
Langur og nærandi bröns eldaður af einkakokkinum okkar.
Síðdegi
Tími til að synda, skoða nágrennið, fara í nudd, lesa eða einfaldlega hvíla sig.
Kvöld
Bandvefslosun, teygjur og slökun, áður en við borðum kvöldverð saman.
Næstu retreat
Marokkó 2027
Hreyfing, menning og hvíld í Marrakech
24. apríl – 1. maí 2027
Bókanir opnar
Einstaklingsherbergi – UPPSELD
Tvíbýli laus
Portúgal 2027
Hreyfing og bæjarlíf hjá Casa Fuzetta
1. til 8. september 2027
Bókanir opnar
Einstaklingsherbergi og tvíbýli í boði.
Mallorca 2028
Nánari upplýsingar væntanlegar
Vorið 2028
HVAÐ GERIR FERÐINA EINSTAKA?
Hún er hönnuð öðruvísi.
Einkahús fyrir okkur
Hvert retreat fer fram í einkahúsi sem er eingöngu fyrir okkar hóp. Það skapar rólegt og persónulegt umhverfi þar sem auðvelt er að slaka á vikuna saman.
Dagleg hreyfing
Hver dagur byggir á NúnaCo. Barre, ítarlegum vinnustofum, losun á bandvef, djúpri hvíld og hreyfingu sem hjálpar þér að tengjast líkamanum á ný.
Einkakokkur
Einkakokkur sér um allar máltíðir allan dvalartímann. Maturinn er einfaldur, nærandi og ómissandi hluti af upplifuninni.
Rúmgóðir dagar
Dagarnir eru skipulagðir af natni en aldrei yfirfullir. Það er alltaf tími til að hvíla sig, skoða umhverfið eða einfaldlega vera. Við skiljum líka alltaf eftir rými fyrir hið óvænta.
SAMFÉLAG
Litlir hópar. Dýpri tengsl.
Staðurinn skiptir máli. Hreyfingin skiptir máli. En það sem flestir muna eftir er hvernig þeim leið. Samtölin yfir matarborðinu. Óvæntu vináttuböndin. Tilfinningin fyrir því að tilheyra sem vex með vikunni.
Þess vegna höldum við retreatunum okkar litlum. Þannig skapast rými fyrir raunveruleg tengsl, persónulegri kennslu og hóp þar sem allir finna sinn stað.
Marokkó 2027
Hreyfing. Upplifun. Ró.
Rétt fyrir utan Marrakech bíður okkar vika þar sem hreyfing, góður matur, hvíld og marokkósk menning fá að njóta sín.
Við verðum aðeins 11 konur og eigum Kasbah La Moun alveg út af fyrir okkur alla vikuna. Dagarnir verða byggðir upp í kringum hreyfingu og góðan tíma til að hægja á, en við ætlum líka að upplifa Marrakech, fara í hefðbundið hammam og nudd og verja einni alveg sérstakri nótt í Agafay eyðimörkinni.
Og eins og í öllum NúnaCo. Retreats ferðum verða auðvitað nokkur augnablik og upplifanir sem koma á óvart.
Portugal 2027
Hreyfing. Samvera. Frelsi.
Í hjarta gamla bæjarins í Olhão sameinar þetta retreat markvissa hreyfingu og frelsið til að njóta. Á milli kennslustunda og sameiginlegra máltíða gefst tími til að rölta um bæinn, setjast á kaffihús, sigla út í eyjarnar eða einfaldlega njóta rólegs takts suður Portúgals.
Þetta er vika full af hreyfingu, sól, samveru og notalegum síðdegisstundum sem skilur eftir sig bæði orku og innblástur.
Hvert retreat hefur sinn eigin takt, sinn eigin stað og sína eigin sögu. En öll eiga þau eitt sameiginlegt. Markvissa hreyfingu, fallegt umhverfi, hlýlegt samfélag og tíma til að tengjast sjálfum sér á ný. Það er það sem situr eftir löngu eftir að vikunni lýkur.
Fyrri retreat
Staðirnir sem hafa markað okkur.
Ágúst 2025
Finca Osa Major, Mallorca
9 konur · þar hófst sagan
Apríl 2026
Casa Fuzetta, Olhão Portúgal
16 konur · Uppseld
Ágúst 2026
Finca Osa Major, Mallorca
12 konur · Við komum aftur